محکمہ بہبود آبادی بھکرکے زیر انتظام خانہ بدوش کمیونٹی کیساتھ آگاہی سیشن کا انعقاد کیا گیا

ضلعی دفتر محکمہ بہبود آبادی بھکرکے زیر انتظام خانہ بدوش کمیونٹی کیساتھ آگاہی سیشن کا انعقاد کیا گیا ۔اسموقع پر ڈپٹی ڈسٹرکٹ پاپولیشن ویلفیئر آفیسر محمد رمضان نے خطاب کرتے ہوئے کہاکہ بچوں کو زیور تعلیم سے آراستہ کرکے انہیں معاشرے میں باوقار مقام دلانے کیلئے والدین کو کردار ادا کرنا ہوگا ۔انہوںنے کہاکہ بچوں کی پیدائش میں تین سال کا وقفہ ماں بچے کی صحت کیلئے انتہائی ضروری ہے جبکہ کم عمری کی شادی سے بچیوں کی صحت بھی متاثر ہوتی ہے اور وہ نفسیاتی اور جسمانی طور پر مختلف بیماریوں کا شکار ہوجاتی ہیں ۔ ڈپٹی ڈسٹرکٹ پاپولیشن ویلفیئر آفیسرنے کہا کہ جسمانی صحت کیلئے صفائی کا خیال رکھنا بھی بے حد ضروری ہے۔اس موقع پر شرکاء نے تعلیم کی اہمیت کو سمجھتے ہوئے اس عزم کا اعادہ کیا کہ وہ اپنے بچوں کو زیور تعلیم سے آراستہ کریں گے اور انکی صحت و صفائی کابھی بھرپور خیال رکھیں گے