ڈسٹرکٹ پولیس لائنز بھکر میں پنجاب فورنزک سائنس ایجنسی کے تعاون سے فورنزک ٹریننگ ورکشاپ کا انعقاد

ڈسٹرکٹ پولیس لائنز بھکر میں پنجاب فورنزک سائنس ایجنسی کے تعاون سے پولیس افسران  کی تفتیشی صلاحیتوں کو نکھارنے کیلئے فورنزک ٹریننگ ورکشاپ کا انعقاد کیا گیا۔ ورکشاپ کے مہمان خصوصی ڈی پی او بھکر عرفان طارق تھے جبکہ دیگر مقرر شرکاء میں ایس پی انوسٹی گیشن محمد اکرم خان نیازی، ڈی ایس پی پرویز احمد خان، ڈی ایس پی  لیگل ملک ظفر عباس، ڈاکٹر فرید صاحب PFSA سرگودہا اور ڈاکٹر فاخر صاحب PFSA سرگودہا شامل تھے۔ ورکشاپ میں ایس ایچ اوز سمیت دیگرتفتیشی افسران نے شرکت کی۔ اس دوران پولیس ورکنگ کے حوالے مختلف موضوعات مثلاً تفتیش کا طریقہ کار، مثل رائٹنگ، چالان مرتب کرنے کا طریقہ، شواہد جمع کرنا، جنرل ڈسکشن اور سوالات متعلق PFSA  موضوع بحث رہے۔  اس موقع پر ڈی پی او بھکر عرفان طارق نے اظہار خیال کرتے ہوئے کہاکہ پولیس ورکنگ میں نئی جہتوں پر انداز تفتیش وقت کی اہم ضرورت ہے۔ ٹیکنالوجی کی دستیابی سے بہت سے جرائم کو ٹریس کرنے میں اور مجرمان کی گرفتاری میں بہت مدد ملتی ہے۔ نئے طریقہ کار سے آگاہی پولیس افسران کیلئے فرائض کی انجام دہی میں انتہائی سودمند ثابت ہورہی ہے۔ انھوں نے PFSA کے ایکسپرٹس کا شکریہ ادا کیا کہ انھوں نے پنجاب پولیس میں تفتیش کے معیار کو بہتر بنانے کیلئے مفید ورکشاپ کا انعقاد کیا۔