مقامی ارکان اسمبلی حکومتی شخصیات کے ساتھ محض فوٹو سیشن تک محدود ہیں امیر جماعت اسلامی بھکر ڈاکٹر نثار احمد ملک ،جنرل سیکرٹری نوید احسن نیاز

جماعت اسلامی ضلع بھکر کے امیر ڈاکٹر نثار احمد ملک ،جنرل سیکرٹری نوید احسن نیاز،پروفیسر ملک محمد یوسف چھینہ اور رستم علی ساقی نے کہا کہ مقامی ارکان اسمبلی حکومتی شخصیات کے ساتھ محض فوٹو سیشن تک محدود ہیں۔فوٹو سیشن کے ذریعے اپنے ضلع کی عوام پر تاثر دیا جاتا ہے ہمارے بہت تعلقات ہیں۔عوام کو اپنے مسائل کا حل چاہیے۔مقامی سطح پر بے روزگاری بڑھ رہی ہے۔ہسپتالوں میں سہولیات کا فقدان ہے۔ڈاکٹرز کی کمی ہے۔ملتان سے براستہ بھکر راولپنڈی ٹرینوں کی بندش ہے جس سے عوام کافی تکلیف میں ہے۔تھل میڈیکل کالج اور یونیورسٹی کا دعوہ محض خواب بن گیا ہے۔حکومت کی 100دن کی کارکردگی بھی 100فیصد صفر رہی ہے۔اس طرح مقامی ارکان اسمبلی 100فیصد ناکام نظر آرہے ہیں۔صرف فوٹو سیشن تک محدود ہیں۔شہری سطح پر مسائل بڑھ رہے ہیں ۔جماعت اسلامی کے رہنمائوں نے مطالبہ کیا ہے کہ ارکان اسمبلی عوام کے ساتھ مذاق بند کریں فوٹو سیشن کی بجائے عوامی مسائل کے حل کے لئے عملی کام کریں۔