سانحہ سقوط ڈھاکہ اور سانحہ آرمی پبلک سکول ملکی تاریخ کا سیاہ ترین دن ہے امیر جماعت اسلامی بھکر ڈاکٹر نثار

امیرجماعت اسلامی بھکر ڈاکٹر نثار احمد ملک ، جنرل سیکرٹری نوید احسن نیاز ، نائب امیر پروفیسر ملک محمد یوسف چھینہ کہا ہے کہ سانحہ سقوط ڈھاکہ اور سانحہ آرمی پبلک سکول ملکی تاریخ کا سیاہ ترین دن ہے ۔ بنگلہ دیش میں جماعت اسلامی کے رہنمائوں کو گزشتہ چار سال سے پاکستان سے محبت کے جرم میں آج بھی پھانسیوں کے پھندوں پر لٹکایا جارہا ہے۔ بنگلہ دیشی حکومت بھارت کے ہاتھوں کھلونا بن گئی ہے ۔ جماعت اسلامی کے کارکنان کو یہ اعزاز حاصل ہے کہ پاکستان کے فوج کے شہداء اور جماعت اسلامی بنگلہ دیشن کے شہداء کی مشترکہ قبریں آج بھی وہاں موجود ہے ۔ اب تک پاکستان کے ساتھ محبت کے جرم کی سزا جماعت اسلامی کے رہنمائوں اور کارکنوں کو پھانسیوں کی صورت میں دی جارہی ہے۔ آرمی پبلک سکول میں ننھے بچوں کے ساتھ جو خون کی ہولی کھیلی گئی وہ انسانیت کے ماتھے پر بد نما دھبہ ہے آرمی پبلک سکول کے بچوں نے قربانی دیکر پوری قوم کو دہشت گردی کے خلاف متحد کردیا ۔ ان شہداء نے ملک و قوم کو بچانے کیلئے اپنی جان کا نذرانہ پیش کیا ۔