ڈپٹی کمشنر وقاص رشید نے کہاہے کہ ضلعی انتظامیہ کاشتکاروں کی سہولت کیلئے مارکیٹ میں کھادوں کی قیمتوں کو حکومت کے مقرر کردہ نرخوں کیمطابق ریگولیٹ کرے گی

ڈپٹی کمشنر وقاص رشید نے کہاہے کہ ضلعی انتظامیہ کاشتکاروں کی سہولت کیلئے مارکیٹ میں کھادوں کی قیمتوں کو حکومت کے مقرر کردہ نرخوں کیمطابق ریگولیٹ کرے گی اور مقررہ نرخوں سے زائد قیمت وصول کرنے والے ڈیلرز کے خلاف سخت قانونی کارروائی کی جائے گی ۔انہوںنے یہ بات ضلعی زرعی مشاورتی کمیٹی کے جلاس کی صدارت کرتے ہوء ے کہی ۔اجلا س میں محکمہ زراعت, لائیوسٹاک ،واٹرمینجمنٹ ،اری گیشن ،کوآپریٹیوز،انڈسٹریز اور دیگر متعلقہ شعبوں کے افسران ،کسان بورڈ کے نمایندگان ،فرٹیلائزرز اور پیسٹی سائیڈز ڈیلرز نے شرکت کی ۔ڈپٹی کمشنر وقاص رشید نے کہاکہ مارکیٹ میں سخت چیک اینڈ بیلنس برقرار رکھتے ہوئے کھادوں کے سرکاری نرخوں کامکمل نفاذ یقینی بنایا جائے گا اور زائد قیمت پرکھادیں فروخت کرنے والوں کا کڑا محاسبہ کیاجائے گا ۔انہوںنے واضح کیا کہ غیر رجسٹرڈ کھاد ڈیلرز ہرگز کاروبار نہیں کرسکیں گے ۔انہوںنے محکمہ زراعت کے بطور انسپکٹرز اختیارات کے حامل افسران کو ہدایت کی کہ کھادوں کے سرکاری طور پر مقررہ نرخوں کی فہرستیں کھاد ڈیلرز کی دکانوں میں نمایاں جگہوں پر آویزاں کرائی جائیں تاکہ کاشتکار مکمل آگاہی حاصل کرسکیں اور کوئی ڈیلرانکا استحصال نہ کرسکے ۔ڈپٹی کمشنر نے کہاکہ ضلعی مشاورتی کمیٹی کا آئندہ اجلاس ایک ہفتے کے اندر منعقد کیا جائے گا جس میں آج کے اجلاس میں کئے گئے فیصلوں پر عملدرآمد کا جائزہ لیا جائے گا#