امیرجماعت اسلامی بھکر ڈاکٹر نثار احمد ملک نے کہا ہے کہ کمسن طالب علم حبیب عمر کے قاتلوں کی عدم گرفتاری پولیس کی کارکردگی پر سوالیہ نشان ہے قاتلوں کا گرفتار نہ ہونا مقتول کے لواحقین کے دکھ میں مزید اضافہ کر رہا ہے ۔علاقہ میں اب تک خوف کی فضا موجود ہے پولیس صرف علاقے میں لوگوں کو ہراساں کر رہی ہے اپنی نا اہلی چھپانے کیلئے تمام حقائق پر پردہ ڈالنے کی کوشش کی جارہی ہے اس سے قبل بھی کوٹلہ جام میں کمسن بچوں کے اغواء کے واقعات ہوتے رہے ہیں جب حبیب عمر غائب ہوا تھا اور لواحقین کی طرف سے رپورٹ درج کرائی گئی تھی تو پولیس اس وقت تک حرکت میں نہیں آئی جب تک اس کی نعش نہ ملی قاتلوں کو گرفتار کرکے  انصاف کا تقاضے پورے کرتے ہوئے کوٹلہ جام چوک میں سر عام پھانسی دی جائے۔ تاکہ آئندہ کوئی ایسا واقعہ رونما نہ ہو ہم حبیب عمر کے والدین کے غم میں برابر کے شریک ہیں اور اپنے تعاون کا یقین دلاتے ہیں