ڈاکٹر نثار احمد ملک نے کہا ہے کہ نوجوان نسل کی اخلاقی تربیت کر کے انہیں معاشرے کا مفید شہری بنانا ہوگا

جماعت اسلامی ضلع بھکر کے امیر ڈاکٹر نثار احمد ملک نے کہا ہے کہ نوجوان نسل کی اخلاقی تربیت کر کے انہیں معاشرے کا مفید شہری بنانا ہوگا۔ان خیالات کااظہار انہوں نے گزشتہ روز جماعت اسلامی یوتھ ونگ ضلع بھکر صدر محمد کامران مغل ،محمد سلیمان آفریدی ،شہاب الدین ،وسیم حیدر پر مشتمل ایک وفد سے ملاقات میں کیا۔انہوں نے کہا کہ حکومت کی ذمہ داری ہے کہ منشیات فروشوں کے خلاف سخت اقدامات کرے۔سکولوں کالجوں اور دیگر تعلیمی اداروں میں منشیات کی فروخت لمحہ فکریہ ہے۔اس گھنائو نے کاروبار میں ملوث افراد کو جلد از جلد گرفتار کر کے عبرت کا نشان بنایا جائے۔تعلیمی اداروں میں منشیات کے استعمال کے حوالے سے چشم کشا اعداد و شمار نے حقیقت حال کھول کر رکھ دی ہے۔ہم سب کو مل کر اپنی نوجوان نسل کو نشے کی علت سے بچانا ہوگا۔والدین اور اساتذہ کی زمہ داری ہے کہ وہ بچوں کو نسلنگ کریں۔نوجوان نسل اس ملک کا قیمتی سر مایہ ہے ان کی اخلاقی تربیت کرکے انہیں معاشرے کا مفید شہری بنانا ہوگا۔منشیات کے حوالے سے موجودہ حکومت کی ذمہ داری ہے کہ وہ اپنا بھر پور کردار ادا کرتے ہوئے منشیات فروشوں کے خلاف سخت اقدامات کرے اور صوبے بھر کے تمام تعلیمی اداروں پر اس حوالے سے کڑی نظر رکھی جائے۔