حادثہ میں شہید ہونے والے سب انسپکٹر محمد سعید کی نماز جنازہ آبائی علاقہ بستی چاندہ بھکر میں ادا کر دی گئی ورثا کے لیے ساٹھ سے ستر لاکھ بیوہ کو مکمل تنخواہ بچوں کےتعلیمی اخراجات کا اعلان

دوران ڈیوٹی حادثہ میں شہید ہونے والے سب انسپکٹر محمد سعید بلوچ کی نماز جنازہ شہید آفیسر کے آبائی علاقہ بستی چاندہ بھکر میں ادا کر دی گئی شہید کی نماز جنازہ میں موٹر وے پولیس اور پنجاب پولیس کے اعلی آفسران سمیت علاقہ بھر سے ہزاروں افراد نے شرکت کی شہید کو مکمل سرکاری اعزازات کے ساتھ سپرد خاک کیا گیا گزشتہ روز بستی ملوک کے قریب موٹر وے پر حادثہ کے بعد متبادل راستہ بنانے کی کوشش کرنے والا موٹر وے پولیس کا سب انسپکٹر بس کی ٹکر سے موقع پر شہید ہو گیا جس کا جسدخاکی آبائی علاقہ بستی چاندہ بھکر پہنچنے پر کہرام مچ گیا ہر آنکھ اشکبارتھی نماز جنازہ میں سیکڑ کمانڈر عاطف شہزاد سمیت موٹر وے کے اعلی آفسران جن میں ڈی ایس پی موٹروے کاشف رحیم،انسپکٹر گلزار حسین،انسپکٹر اصغر شاہد،انسپکٹر سجاد حسین،انسپکٹر اللہ بخش،انسپکٹر عبدالعزیز،انسپکٹر محمد سعید،انسپکٹرطارق نعیم،انسپکٹر ہاشم خرم،انسپکٹرضمیر الحسن،سب انسپکٹر سرفراز،سب انسپکٹر شفیق خان،سب انسپکٹر سعید احمد اورپنجاب پولیس سے ڈی ایس پی ہیڈ کوارٹر بھکر پرویز احمد خان،ایس ڈی پی او صدر سرکل بھکر اسد اللہ خان،ایس ایچ او صدر امیر عبداللہ خان سمیت علاقہ بھر سے ہزاروں افراد نے شرکت کی  سیکڑ کمانڈر کی طرف سے شہید کے ورثا کے لیے ساٹھ سے ستر لاکھ شہید پیکج اور ساٹھ سال تک بیوہ کو مکمل تنخواہ اور بچوں کے تعلیمی اخراجات برداشت کرنے کا اعلان کیا گیا ہے۔