بھکر پولیس کی کاروائی منشیات ناجائز اسلحہ برآمد خاتون سمیت چار عدالتی مفرور ایک اشتہاری ملزم گرفتار

ڈی پی او بھکر عرفان طارق کے احکامات کی روشنی میں بھکر پولیس نے ضلع کے مختلف علاقوں میں معاشرتی جرائم کے خلاف کاروائی کی اس دوران ایس ایچ او سٹی دریا خان نے مخبر کی اطلاع پر ریڈ کرکے ملزم عبدالرحمن سے 490 گرام چرس برآمد کر لی۔ایچ ایس او کلورکوٹ نے ملزم محمد سلیمان سے ایک کاربین 12 بور مع 2 کارتوس اور محمد اسلم سے 450 گرام چرس برآمد کی۔ایس ایچ او سٹی بھکر نے بھکر شہر اور گردونواح کے علاقے میں سرچ آپریشن کیا اس دوران ایک مجرم اشتہاری محمد ممتار کو گرفتار کیا گیا جبکہ 4 عدالتی مفرور مجرمان محمد عامر چوہان، آفاق احمد پٹھان، مشتاق حسین اعوان اور سونیا کو بھی گرفتار کیا گیا۔ چھان بین کے دوران محمد عمران سے 225 گرام چرس بر آمد کی گئی۔ 17 مشکوک افراد کی بذریعہ SVAS سسٹم اور بائیو میٹرک ویری فیکیشن سسٹم تصدیق عمل میں لائی گئی جنھیں بعد از کلیئرنس فارغ کر دیا گیا۔