معاشرتی جرائم کے خلاف پولیس کاروائی تیز کردی گئی

ڈی پی او بھکر شائستہ ندیم کی ہدایات پر معاشرتی جرائم کے خلاف پولیس کاروائی تیز کردی گئی۔ ایس ایچ او منکیرہ نے مخبر کے اطلاع پر ہمراہ پولیس پارٹی محلہ قریشیانوالہ منکیرہ میں واقع جوئے کے اڈے پر ریڈ کیا۔ موقع سے 7 جواری احمد نواز، محمد حسن، کوثر حسین، ثمر عباس، اللہ بخش ، غلام علی اور محمد اشفاق کو گرفتار کر لیا گیا۔ ملزمان تاش کے پتوں پر جواء کھیل رہے تھے۔ جوئے کی رقم مبلغ 13300 روپے بھی قبضہ پولیس میں لے لی گئی ہے۔  موثر کاروائی پر ڈی پی او بھکر نے ایس ایچ او اور ٹیم کو شاباش دی ہے۔ ان کا مزید کہنا تھا کہ جرائم پیشہ افراد کے خلاف گھیرا تنگ کیا جارہا ہے۔