ڈپٹی کمشنربھکر وقاص رشید کی ہدایت پر ڈسٹرکٹ لیگل کمیٹی کا اجلاس منعقد کیا گیا

ڈپٹی کمشنربھکر وقاص رشید کی ہدایت پر ڈسٹرکٹ لیگل کمیٹی کا اجلاس منعقد کیا گیا جسکی صدارت اے ڈی سی جی خالدمسعود فروکہ نے کی ۔انہوںنے اجلاس سے خطاب کرتے ہوئے کہا کہ سرکاری محکموں کے دفاتر میں متعلقہ قواعد وضوابط کی کامل پیروی سے سروس ڈلیوری میں حسب منشاء اضافہ کیاجاسکتا ہے جس کیلئے ضروری ہے کہ تمام محکموں کے سربراہان لیگل پالیسی کو پوری طرح ملحوظ رکھیں تاکہ انتظامی امور میں کسی قسم کا سقم باقی نہ رہے ۔اجلاس میں ضلعی انتظامیہ و دیگر سرکاری محکموں کے افسران نے شرکت کی ۔اے ڈی سی جی نے سرکاری محکموں کے سربراہان کو تاکید کی کہ مفاد عامہ کے جملہ امور میں متعلقہ دائرہ کار کے قوانین پر گرفت مضبوط بنائی جائے ۔انہوںنے کہا کہ سرکاری محکموں کی کپیسٹی بلڈنگ میں ہر ممکن معاونت و راہنمائی فراہم کی جائے گی ۔انہوںنے کہا کہ ڈسٹرکٹ لیگل کمیٹی کا مقصد بھی یہی ہے کہ محکمہ جات لیگل کیسزمیں اپنی کارکردگی مزید موئثر بناسکیں